കാഴ്ച്ച

കണ്ണിനു കാഴ്ച കുറഞ്ഞെന്നാകിൽ കണ്ണട വേണം കാണ്മാനായ്

കാഴ്ചപ്പാടുകൾ വേണം ജീവിത പൂർണ്ണത

നേടാൻ വിജയിക്കാൻ

അന്ധതയുണ്ടെന്നാകിലുമുള്ളിൽ അന്തർ നേത്രം ഉണ്ടാകിൽ

ആത്മജ്ഞാനം നേടാം അന്യരെ അവനവനായി കണാകും

ധർമ്മാധർമ്മവിചാരം പോയാൽ കുലവും മുടിയും കൂട്ടർ നശിക്കും 

ധർമ്മക്ഷേത്രം തന്നിൽ കണ്ടൊരു ചരിതം

മറ്റൊന്നല്ലല്ലോ!

ബുദ്ധൻ ധ്യാനം ചെയ്തത് ധർമ്മ പാതകൾ മനസിൽ തെളിയാനായ്

ബന്ധർ മനുഷ്യർ ലൗകികമാകും ചക്കിൽ കെട്ടിയ കാളകളാം

ആന്ധ്യം കണ്ണിൽ ബാധിച്ചെങ്കിലുമുള്ളിൽ നല്ല പ്രകാശവുമായ്

അലയായ് ഹരിഗീതങ്ങളുമുള്ളിൽ കവിയും ഭക്തിയിൽ സൂർദാസൻ

കാഴ്ച മറച്ചു ഗാന്ധാരി പതിസമ്മത യാവാനാവില്ല

കണ്ണികൾ പൊട്ടിയ ബന്ധത്തിൻ കഥയൊന്നും കാണേണ്ടെന്നാകാം

കട്ടിക്കണ്ണട വട്ടത്തിൽ കൂടന്നു മഹാത്മാ കണ്ടെത്തി

കണ്ണിനു കണ്ണെന്നുള്ള പ്രമാണം നേടുകയില്ല വാഴില്ല

അന്ത:ചക്ഷുസ്സില്ലെന്നാകിൽ കാര്യവിചാരം തിരിയാതാം

അന്ധതയില്ലെന്നാകിലുമുള്ളിൽ തിമരം ബാധിച്ചീടുകിലോ

അറിവു നശിക്കും അലിവു നശിക്കും ദുഷ്ടതയുള്ളിൽ തോന്നീടും

അധികാരത്തിൻ മത്തു രുചിച്ചവർ അബലരെ അടിമകളാക്കീടും 

അരചനതാകിലുമനുചരനാകിലുമനു -

വർത്തിക്കും കർമ്മങ്ങൾ നല്ലതിനാവണമതിനാലല്ലോ ജന്മം സഫലമതായിടൂ