ഉദയാസ്തമയങ്ങൾക്കിടയിലെ സഞ്ചാരങ്ങൾ

ഉദയഗിരിയിൽ സൂര്യനുണരുന്നു ഖിന്നനായ് 

പുകമഞ്ഞുമൂടിക്കിടക്കുന്നനിഷ്ടങ്ങൾ 

ഉദയാസ്തമയങ്ങൾക്കിടയിലെ സഞ്ചാര മരുതാത്ത കാഴ്ചയ്ക്ക് സാക്ഷ്യം വഹിക്കണം

പുലരികൾ തേടുന്ന കിളികുലം മറയുന്നു

കിളികളോ പൂക്കാത്ത പൂമരം വെടിയുന്നു. 

ഇളകുന്ന കുരിശുകൾ പള്ളി മീനാരങ്ങളു

ടലുടഞ്ഞൊഴുകുന്ന ദീനശംഖാരവം

ചുടുനിണച്ചൂരു മണക്കുന്ന തെരുവുകൾ

കടുനിറം കൈവിട്ട കൊടിയും പതാകയും

മദ്ധ്യാഹ്നമായ്, സൂര്യഹൃത്തടം പുകയുമ്പോൾ

വിടരുന്ന മൊട്ടുകൾ ഉരുകുന്ന കാഴ്ചകൾ

ഒരുകൈയ്യിനാലേ കൊടുക്കുന്നു ദാനങ്ങൾ

വിടുവായകൊണ്ടു കെടുത്തുന്നു മാനവും

ചരമാദ്രിയിൽ സൂര്യനണയും സമാധിയ്ക്കായ് 

മണിമണ്ഡപം തീർത്തു നില്ക്കും പ്രതീചിയും