പുതിയ വരിഷം പിറക്കുന്ന വേളയിൽ
പോയകാലക്കെടുതികൾ ഓർത്തില്ല
പോയ നന്മകൾ കണ്ടതില്ലാരുമേ
അങ്ങു ദൂരെ കരീബത്തി ദ്വീപതിൽ
വന്നിറങ്ങി പുതുവത്സര സ്യന്ദനം
അങ്ങകലെ സിറിയയിൽ ഗസ്സയിൽ
ഗന്ധകപ്പുക പൊങ്ങുന്നയുക്രെയിനിൽ
എങ്ങുമിന്നു പുതുവത്സരം വരും
എന്തു പ്രത്യാശ എന്തത്രേ ഭാവിയും!
ലഹരിയാവണം ജീവിതം പക്ഷേ നാം
നിറലഹരി,യിലാണ്ടുപോയീടൊലാ
ലഹരി പൂക്കുന്ന ആഘോഷ രാവുകൾ -
ക്കറുതി വേണം, സ്വപ്നങ്ങൾ പൂക്കണം.
സ്വപ്നമില്ലെങ്കിൽ ജീവിതമില്ലിനി
തപ്തചിന്തയിൽ ആണ്ടുപോയീടുമേ
No comments:
Post a Comment