പുലരി വന്നു വിളിച്ചുണർത്തി
കണ്ണിലുമ്മകൾ വയ്ക്കവേ
കുളിരു കോരിയ മേനിയിൽ
മൃദുതെന്നലിക്കിളി കൂട്ടിയോ?
മനസ് മനസിന് പ്രണയ ലേഖനം
എഴുതിടും അരിയ കൺകളാൽ
ഹൃദയരേഖ പോൽ അടിവരയിട്ട
വരികളിൽ പ്രണയമൊഴുകിയോ !
മുനികുമാരി തൻ പ്രണയഭാവങ്ങൾ
മനസ്സിലേയ്ക്കൊഴുകിയെത്തിയോ?
മഞ്ഞണിഞ്ഞതാം മുല്ലവള്ളികൾ
മെല്ലെ തോഴിയുലുത്തവേ
മാലതീമലർ പെയ്തു പിന്നെ
യതെയ്തു മന്മഥശരങ്ങളായ്
മദനബാണം പ്രണയവർണ്ണങ്ങൾ
എഴുതി നിന്നുടെ കൺകളിൽ
No comments:
Post a Comment