സമന്വയം

ഞങ്ങൾ വ്യത്യസ്തരാകുന്നു

നയങ്ങളിൽ വ്യത്യാസം

സമീപനത്തിൽ വ്യത്യാസം

രാഷ്ട്രീയത്തിൽ വ്യത്യാസം

ചിന്താപദ്ധതികളിൽ വ്യത്യാസം

വ്യത്യാസങ്ങൾ വ്യത്യസ്തമായിതന്നെ നിന്നാൽ 

ഞങ്ങളുടേയും നിങ്ങളുടെയുമിടയിൽ

വലിയൊരു വിടവ് രൂപപ്പെടും

പരസ്പരാശ്രയവും ആശ്രിതത്വവും

നഷ്ടപ്പെടുത്തും

മനസ്സുകൾക്കിടയ്ക്ക് ആഴം 

തീർക്കപ്പെടും

സമന്വയമെന്നത് കൂടിച്ചേരുന്നതിൻ്റെ

പ്രത്യയശാസ്ത്രമാണ്

സംഘം ചേരുന്നതിൻ്റെ പ്രത്യയശാസ്ത്രമാണ്.

സങ്കുചിതത്വത്തിൽ നിന്നുള്ള

ഉയർത്തെഴുന്നേൽപ്പാണ്

ചിന്തകൾക്ക് ചിറകു നൽകുന്നതാണ്

യുദ്ധങ്ങൾ മനസ്സിൻ്റെ 

കീഴടങ്ങലാണ്

ആക്രമണങ്ങൾ ആവേശത്തിൻ്റെ

കുതിപ്പുകളാണ്

യുദ്ധങ്ങൾ ഒടുങ്ങുമ്പോൾ

മനസ്സ് ജയിക്കും

ചിന്തകൾ ചിറകടിച്ചുയരും

ആയിരം വെള്ളിപ്പിറാവുകളായി

അത് ആകാശം കീഴടക്കുന്നു

മനസ്സുകളിൽ വെള്ളിവെളിച്ചം

പടർത്തുന്നു