ലവണരസങ്ങളലിഞ്ഞകണങ്ങളിലൊളിവൂ ധരയുടെയമൃതപയസ്
പ്രളയപയോധിത്തിരകളിളക്കിയനിനദസമീരണപ്രണവസുധ
അഭിനവജീവിതമന്ത്രാക്ഷരികളുണർത്തും ജീവിതഗാഥകൾ നാം
പൊരുളുകൾ ജീവിത സാരള്യപ്പുതു തെളിമകളായി ലസിക്കുമ്പോൾ
കരുണക്കടലിൻ കനിവിൽ ജീവിത നൗക നയിക്കുകയാണെങ്ങൾ
അവികലചിന്താസരണികൾതേടുമൊരസുലഭജന്മപുരസ്കൃതർ നാം
അണിയുവതുണ്ടോരഭിമാനോജ്ജ്വലമഹിമ പതിച്ചപതക്കങ്ങൾ
അറിവാംഭാസുരദീപംതെളിയണമകതാർ മലരിൽവിരവോടെ
അലിവൊടുജീവനെസംരക്ഷിക്കാനുയിരുകൊടുക്കണമനിശം നാം
ധർമ്മാധർമ്മവിചാരസമീക്ഷകളൊന്നായ്ചേരണമതിനാലേ
ധിഷണാശക്തിയൊടതിശയബുദ്ധ്യാകർമ്മ പ്രവൃതനതായിടൂ
No comments:
Post a Comment