സംഹാരം

ജനിദോഷമകലാൻ സംഹാരമാവാം

ജനിതകവിധിക്കായ് കാത്തിടുക വേണ്ട

ഇരവുപകലന്യേ വിധിയുടെ വിലാപം

ഇവിടമൊരു കുടില കൊലനിലമതായി

അവഗണനമാറ്റാനവമതികൾ തീർക്കാൻ

അതിനുതകുമുപായം സംഹാരമന്ത്രം

ഉടലുതലയെല്ലാം ഉരുതരമതാക്കാൻ

ഉചിതമൊരു മാർഗ്ഗം മൊഴിയുവത് ആരാം ?

തെളിവുകളതില്ലാ കുരുതികളൊരുക്കും

തെളിയുകയുമില്ല പഴികളിനി വേണ്ട

നിയമമതിനുണ്ടാം നിയതമൊരു മാർഗം

നിശിതമൊരു ശിക്ഷയ്ക്കതു മതിവരില്ല

പിറവിയറിയാതെ സ്ഥിതിയിതറിവോടെ

പുനരറിക ജീവൻ പൊലിയുവതിതെന്നോ

കദനഭരമെല്ലാം കരുതിടുക ഹൃത്തിൽ

കരയുക യഥേഷ്ടം മരിയുമറിയാതെ

ചിറകുകളിലഗ്നി പടരുമൊരു വാഹി

ചിതതീർക്കുമെങ്ങുംസംഹാരസരിത്തായ്

കടുമാരണതന്ത്രം കുടിലതകൾ തേടും

കുടിലുകളിലെല്ലാം സംഹാര നൃത്തം

പിറകൊണ്ട മണ്ണിൽ പിടയുവവരെല്ലാം

പല മട്ടിൽ മരിച്ചും മരണത്തെ ജയിച്ചു

ഇനിയില്ലൊരു മരണം ജഡമായശരീരം

ഇനിമേലിലുയിർക്കുമിതുമട്ടിൽജനിക്കാൻ