കാവ്യം പോലെൻ ഗ്രാമം മലയുടെ മടിയിൽ തലവച്ചമരുന്നു
നെൽപാടങ്ങളിൽ ഓളം വെട്ടും ഞാറ്റിന്നോലയിലാലോലം
തഞ്ചി കൊഞ്ചും കാറ്റിൻ ശീലിൽ നൃത്തം വയ്പു വയൽക്കിളികൾ
പാടവരമ്പിൽ വരിയായ് നില്കും പനയുടെ നിഴലിൻ തിറയാട്ടം
കണ്ടു വിരണ്ടിട്ടാവാം കാറ്റിൻ ചൂളം വിളികൾ നിലച്ചേ പോയ്
പാടം കീറി മുറിച്ചും കൊണ്ടൊരു ചെമ്മൺ പാതയുമിണ്ടിവിടെ
കൂട്ടം തെറ്റാതാട്ടിൻ പറ്റം തരമൊടു പാതയിൽ നീങ്ങാനായ്
കാലിക്കോലും കൊണ്ടുനടക്കും ഇടയക്കുട്ടികൾ പിൻപറ്റും
വേഗരഥത്തിൽ അർക്കജനാഴിയിൽ മുങ്ങാൻ നീങ്ങുന്നേരത്ത്
അജവൃന്ദത്തെ ആലയിലാക്കാൻ അവരോ നീങ്ങുന്നതിവേഗം
ചിത്രം കോറിയ ചേലിൽ ഗ്രാമം നിൽപൂ നിങ്ങളെ വരവേൽക്കാൻ
No comments:
Post a Comment