തുള്ളിക്കൊരു കുടമെന്ന കണക്കെ
ഇടവപ്പാതിയിൽ മഴ പെയ്യും
ആറുകൾ തോടുകൾ വയലുകളെല്ലാം
ഒന്നായ് വെള്ളം കയറുമ്പോൾ
കുട്ടികളെല്ലാം ആർത്തു വിളിക്കും
നീന്തി മദിക്കാൻ രസമല്ലോ!
ചോരാ കുടിലുകളില്ലാത്തവരുടെ
ഉള്ളം പിടയുവതാരറിയാൻ!
മടവീണെന്നാൽ കൃഷികൾ നശിക്കും
മിഴിനീർ തൂകും കർഷകരും
വല്ലാക്കാലമിതെല്ലാക്കൊല്ലോം
വന്നിടുമെന്നാലെപ്പോഴും
ഒരുപോലാവുകയില്ല ചിലപ്പോൾ
ആപത്തൊഴിവായ് പോയീടും
No comments:
Post a Comment