ഉത്രാടനിലാവ്

ഓമനത്താരകകുഞ്ഞിനൊപ്പം

വാർമതി മെല്ലെയുദിച്ചുയർന്നു

ഉത്രാടരാവിൽ കുടക്കടുക്കൻ

കാതിലണിഞ്ഞ തുമ്പച്ചെടികൾ

കാതരമാമൊരു സ്വപ്നവുമായ്

നാളെ വിരിഞ്ഞിടും ഹ്ലാദമോടെ

മുക്കുറ്റി ചേമന്തി പൊന്നലുക്കിൻ

കിന്നരി തീർക്കുന്ന പൊന്നശോകം

ഒക്കെയും കണ്ണിൽ പ്രതീക്ഷയുമായ്

പൂക്കളം തന്നിൽ നിരന്നു കാണും

പൂത്തു വിടർന്നതാം പിച്ചകങ്ങൾ

പുഷ്പസൗരഭ്യം പരത്തിടുന്നു

നാളെയ്ക്കു നാഴൂരിപ്പാലു വേണം

നന്ദിനിപ്പയ്യിനതോർമ്മയുണ്ടോ

വാനവും ഭൂമിയുമൊന്നു പോലെ

ഉത്രാട ന്‌ലാവിൽ കുളിച്ചു നിന്നു