മരണദൂരങ്ങളിലെ മാലാഖമാർ

വ്യോമം മറയ്ക്കും മഹാസംഗരങ്ങളിൽ

പ്രാണൻ പിടയ്ക്കും പടപ്പാളയങ്ങളിൽ

ജീവൽ മരണ ബലാബലവേദിയിൽ മദ്ധ്യസ്ഥരാണെങ്ങളാതുര സേവകർ

അംഗാരശൈലം പറന്നെത്തിയാശ തൻ

സംഗങ്ങളിൽ തീത്തൈലം പകർന്നതും

മൃത്യുതൻ വക്ത്രത്തിൽ നിന്ന് തിരിച്ചെത്തി

നിത്യവും നോവിൻ കടുകയ്പുമോന്തിയും

എത്ര പേർ സംഗ്രാമഭൂവിൽ കഴിയുന്നു,

മിത്രഭാവത്തിലങ്ങെത്തുന്നു ഞങ്ങളും

സ്വന്തംപിതാവിൻ്റെയന്ത്യശുശ്രൂഷയ്ക്ക്

സന്തതം നിന്നു പരിചരിക്കേണ്ടവർ

ബന്ധം മറന്നു മരണദൂരങ്ങളിൽ

ബന്ധുര മാലാഖമാരായ് മരുവുന്നു

ലോകം നടുക്കുന്ന യുദ്ധഭൂവിന്നതിൽ

സ്നേഹ പ്രഘോഷകർ ആതുരസേവകർ

12.5.2024