നിശാഗന്ധി

ബ്രഹ്മകമലം മിഴി തുറന്നു.

മനസിൽ വെൺമയുഖം

കതിർ നിരത്തി . തൂമണി -

നീരിൽ കുളിച്ചീറനായി നീ

നിർമല മന്ദസ്മിതം തൂകീ.

രാവിൻ മംഗള മഞ്ജുളശ്രീയായീ

     

നിശയുടെ റാണി നിൻ

ഘനസാന്ദ്ര സുഗന്ധത്തിൽ

മുഗ്ദ്ധാനുരാഗം തുടിച്ചു നിന്നു.

പാർവണ പൂഞ്ചേല മറ നീക്കി

നീ നിൽക്കേ മാലേയമണി -

ഞ്ഞെത്തും മധുചന്ദ്രിക.

നിശയുടെ നീലത്തഴയ്ക്കു -

ള്ളിൽ നീയെന്ന നിശാഗന്ധി

മെല്ലെ വിടർന്നു വന്നു .

നീലനിലാവിന്റെ നീരാള -

മറ നീക്കി വിണ്ണിൽ  

നിന്നിറങ്ങുമോ ഗന്ധർവൻ   

ശങ്കരനുണ്ണി