പ്രഹേളിക

  

മർത്യത മരിക്കുന്ന കാലത്തു ജീവിപ്പതേ

മർത്യനു വിധിച്ചൊരുശാപമെന്നറിയണം

ആദ്യത്തെ ഭ്രാതൃഹത്യ ബൈബിളിൽ കാണാ- 

മാദ്യത്തെ മാതൃഹത്യ രാമനാൽ കൃതമത്രേ

ഹത്യകൾ, അനാചാരം , പീഡനം, പരമമാം

ദുഷ്ടകൃത്യങ്ങളെത്ര കാണുന്നു നമുക്കിടെ

ദുഃഖത്തിനാധാരമായെത്തുന്ന ദുരന്തങ്ങൾ 

ദുർദ്ദരഹൃദയത്തിൻ സൃഷ്ടികൾ ദൃഷ്ടാന്തവും

ജന്മവാസനകളും ജാഗ്രത നശിപ്പിക്കും

മനസ്സിൻ്റെയുന്മത്തമാം  ഭോഗതൃഷ്ണയും

വിഗത സ്വരങ്ങളും വിസ്വര ഭാവങ്ങളും

വിലയിച്ചെല്ലാം ചേർന്നേ അധർമം കൃതമാവൂ

യുഗങ്ങൾ കഴിഞ്ഞിട്ടും മാറാത്തതെന്തേ

നമ്മിൽ നിറയും ഹത്യാവേശം, പകയുംവിദ്വേഷവും

കാലത്തിൻ കലുഷിത ഭൂതയാനത്തിലേറി

താണ്ടുമോ മനുജനീ ദുഃഖത്തിൻ പ്രഹേളിക

11.1.24