ഒറ്റ ശീലയിൽ വിശ്വത്തെ മൂടുന്നവൻ

ഒറ്റ ശീലയിൽ വിശ്വത്തെ  മൂടുന്നവൻ

അഹിംസയെന്നൊരു മന്ത്രമാര്യൻ

അറിഞ്ഞു ചൊല്ലിയതെന്തിനെന്നോ

ഒറ്റ ശീലയിൽ വിശ്വത്തെ മൂടുവാൻ

ഒത്തിടും ലോകമതേറ്റുപാടും

അഹിംസയെന്നതിനർത്ഥമേറെ

നിരത്തുവാനുണ്ടു മറന്നിടേണ്ട

മഹിയിൽ മൈത്രിയിലിരിക്കുവാനായ്

പ്രഘോഷണം ചെയ്വതഹിംസയാകാം

പരൻ്റെ സമ്പത്തിലദൃശ്യമായി 

കടന്നുകയറി കരത്തിലാക്കാൻ

ഒരുമ്പെടുന്നോർക്ക് അഹിംസയെന്ന

വാക്കിൻ പൊരുളെത്ര തിരിഞ്ഞു കാണും

ഒരൊറ്റ ലോകം ഒരൊറ്റ വീട്

ഒന്നാണ് മനുഷ്യകുലമെന്നതോർക്ക

അഹിംസയാൽ ലോകരെയൊന്നു പോലെ

കോർത്തിണക്കാൻ കഴിയുന്നു തിട്ടം.

16.1 23