ചർക്ക

ചർക്ക 

കാലഹരണപ്പെട്ട യന്ത്ര വിശേഷമാണ്

എന്നാൽ

ചർക്ക 

സ്വാശ്രയത്വത്തിൻ്റെ സർഗ്ഗമുദ്രയാണ്

സ്വാതന്ത്ര്യത്തിൻ്റെ വഴിയിലെ ദിശാസൂചികയാണ്

ചർക്ക 

അവനവനിൽ തന്നെ തളഞ്ഞതിൽ നിന്ന്

അപരനിലേയ്ക്ക് പടർന്നുനീങ്ങുന്ന ജീവിത സന്ദേശമാണ്

ചർക്ക 

ജീവിതവീക്ഷണമാണ്.

ചർക്ക 

കർമ്മബദ്ധമായ ജീവനോപാധിയാണ്

മൗനത്തിൽ നിന്ന് മുന തെറുക്കുന്ന സമരായുധമാണ്

വട്ടക്കണ്ണടയും ഊന്നുവടിയും 

മദ്ധ്യേയൊരു ആൾരൂപവും

നിവർത്തിവച്ച ഒരുകാലിനും മടക്കിവച്ച മറുകാലിനും മദ്ധ്യേ അനിഷേധ്യമായ സമരായുധമായി ചർക്ക

ചർക്കയിൽ ജീവൻ വയ്ക്കുന്ന നൂലിഴകളിൽ സുബദ്ധരാകുന്ന

ജനപദം മുന്നിൽ 

ഹേ റാം എന്ന് ഭജിക്കുമ്പോഴും ശ്രോത്രങ്ങളിൽ ചർക്കയുടെ 

ആമന്ത്രണം കേട്ടിരിക്കാം