മാറ്റൊലി

പച്ചപ്പട്ടുവിരിച്ചതു പോലെ ചുറ്റും കാണാം വയലേല

അങ്ങു തലയ്ക്കൽ കാണാകുന്നൊരു ജനപദമനുപമമഭിരാമം

പണ്ടവിടേയ്ക്ക് നടന്നേ പോകാം കുത്തിയ ചേറുവരമ്പുണ്ട്

ഇന്നാ കാഴ്ചകൾ കാണാനില്ല ടാറിൻ റോഡുകൾ കാണായി

മഞ്ഞിൻ മൻമൽമുണ്ടു പുതച്ചൊരു മലയുണ്ടകലെ കാണാകും 

അവിടെക്കാഴ്ചകൾ കാണാനാളുകൾ

പോകാറുണ്ട് പതിവായി

ഞാറ്റടി കേട്ട കണ്ടങ്ങൾ പുതു മാറ്റൊലി ശീലിനു കാതോർത്തു

നെൽകൃഷി നഷ്ടം പകരം മാവിൻ ഫലവൃക്ഷങ്ങൾ പരീക്ഷിപ്പൂ

(പാലക്കാടൻ ഗ്രാമങ്ങളിലൂടെ പോകുമ്പോൾ തോന്നിയത്)