വിടുന്നുകാരില്ലാത്ത വീട്

 

 വീട്ടിൽ വിരുന്നുകാർ സാഘോഷമോടെ

 വന്നെത്തുന്ന കാലമകന്നു പോയെപ്പൊഴോ

 ഇന്നു നാം ഒറ്റപ്പെടുന്നു അകത്തളം തന്നിൽ,

 മാറ്റങ്ങൾ തീർത്ത നാം താനേ തളഞ്ഞവർ

 പുര കെട്ടിമേയുവാൻ കുളം വെട്ടുവാനുമായ്

 ക്ഷണിച്ചെത്തുവോരുടെഘോഷമോർത്തീടണം

 കൊയ്ത്തുത്സവം പിന്നെ വൈയ്ക്കോൽത്തുറുവേറ്റൽ

 പൈക്കൾക്ക് കരുതൽ മഴക്കാല വറുതിയിൽ '

 ആണ്ടുത്സവങ്ങൾ, പറയെടുപ്പുത്സാഹമേറ്റുന്ന നാളുകൾ

 കൊണ്ടൽ കൃഷിക്കും നനയ്ക്കാനുമെത്തുന്നു

 ബന്ധുക്കളേറെയുണ്ടക്കാലമോർക്കുകിൽ

 ഇന്നു കുടുംബബന്ധങ്ങളിൽകാതലലില്ലു - 

 ള്ളത് പൊള്ളയാം സ്നേഹപ്രകടനം

 കൂട്ടുകുടുംബങ്ങൾ കാണ്മതില്ലുള്ളത്

  സ്നേഹത്തുരുത്തുകൾ

 അച്ഛനുമമ്മയുമൊറ്റയ്ക്കു പാർക്കുന്നു

 വിരുന്നുകാരില്ലാത്ത വീടുകൾക്കുള്ളിലായ്