നിദ്ര

സ്വപ്നസഞ്ചാരം നടത്തുന്ന മാനസം

സ്വച്ഛമാം നിദ്ര തൻ തേരിൽ ചരിക്കുന്നു

സ്വപ്നാടകൻ മനം കൂടുവിട്ടെപ്പൊഴോ

സ്വസ്ഥമാം കൂടൊന്നു വേറെ തിരയുന്നു

നിദ്രയ്ക്കു ഭംഗം വരാതെയിരിക്കട്ടെ

നിർദ്ദയം സ്വപ്നത്തെ ഭംഗപ്പെടുത്തിടാ

സ്വപ്നം മനുഷ്യൻ്റെ സങ്കല്പ സൃഷ്ടികൾ

സ്വപ്നം മനസ്സിൻ്റെ വർണ്ണപ്പകർച്ചകൾ

നിദ്ര പിണങ്ങും മനുഷ്യൻ്റെയുൾത്തടം

നിശ്ചയം വിക്ഷോഭ പൂരിതമോർക്കുക

സങ്കല്പനങ്ങൾക്ക് സന്ധിയില്ലാതെയാം 

സാദ്ധ്യായ ചിന്തയ്ക്കു മാർഗ്ഗണം നഷ്ടമാം

എല്ലാം കഴിഞ്ഞു നിതാന്തമാം നിദ്രയ്ക്കു

മെല്ലെ ഒരുങ്ങിയിരിക്കുവാൻ ഓർക്കുക 

കർമ്മമാർഗ്ഗങ്ങളിൽ നിന്നു നിവൃത്തരായ്

കാത്തിരുന്നീടുക ഐഹികനിദ്രയെ

7.12.25 2nd Prize ദലം 210 KSSV