തലമുറകളിലെ വിടവ്

തലമുറകളിലെ വിടവോ നവമാം

കാലസ്ഥിതിയുടെ സന്തതി താനോ !

ആശയചിന്തകൾ ആരോർക്കുന്നു

ആശ്രയമില്ലെന്നോർത്തു തപിക്കാം

പണ്ടു കുടുംബം കൂട്ടക്കാരും അല്ലലി- 

ലാണെന്നാകിലുമാട്ടേ, 

ബന്ധുത കാട്ടി പരിപാലിക്കാനുണ്ടൊരു 

വ്യഗ്രത കടമയതത്രേ!

ഇന്നാണെങ്കിൽ ബന്ധുത വേണ്ട, സ്വന്തം സ്വന്തമതെന്നതു മാത്രം

അച്ഛൻ പരിപാലിച്ചു നടന്നാൽ 

സ്വസ്ഥത പോകും അതിനാലത്രേ സ്വന്തകുടുംബം തൻ്റേതായി കാണാൻ മക്കൾ തിരക്കുപിടിക്കും

പഠനം പഠനാനന്തര ജീവിതമെല്ലാമിന്നു

വിദേശത്താകാം.

അവിടെ ബന്ധം, ബന്ധനമല്ലെന്നാരോ പറവതു കേട്ടതു കൊണ്ടായിട്ടാം

പുതുതലമുറകൾ പുതുമകൾ തേടി പോവതു കടലു കടന്നു വസിക്കാൻ

പണ്ടു പിതാക്കൾ പിതൃവ്യരെയെല്ലാം പേർത്തും നമ്മൾ പുലർത്തിയതോർക്ക

ഇന്നാക്കാലം പോയീ മക്കൾക്കില്ലാ നേരമുറങ്ങാൻ പോലും

മക്കളെ നേരിൽ കണ്ടുമരിക്കാനൊക്കാ കാലം മാറി മറിഞ്ഞു

മൃത്യുവടുത്തു വരുന്നൊരു നേരം ശുശ്രൂഷിക്കാനാശ്രിതർ പോരേ!

 

കാലം മാറിയ കാര്യം പറയാൻ തലമുറമാറ്റത്തലവരയെഴുതാൻ

ഇന്നു ശ്രമിച്ചാൽ ആയിടുമെന്നാൽ പിന്നേയ്ക്കായാൽ ഓർക്കുക വേണ്ട