ഘട്ട് റോഡ്

വീരപഴശ്ശിക്കൊളിവീടായത് 

വയനാടിൻ മലയോരങ്ങൾ 

കാടും മലയും പുഴയും കുളിരും

 പുകമഞ്ഞൂതിയ വീഥികളിൽ

 കുതിരപ്പടയുടെ പടഹധ്വനികൾ

 മുഖരിതമായ് പോയക്കാലം 

ഒളിയുദ്ധത്തിൻ തന്ത്രം ഒരു വഴി, 

 മറുവഴിയപ്പോൾ തുപ്പാക്കി

 ചോരകുടിച്ച ചോലക്കാടിൻ 

വീര്യം ചോർന്നില്ലിതു വരെയും

 പാമ്പുകണക്കു വളഞ്ഞുപുളഞ്ഞു 

പാതകൾ മുന്നോട്ടിഴയുന്നു, 

ഘട്ടിൽ പല പല നിലകളിലായി 

ചുറ്റിയ ഗോവണിയെന്നതുപോൽ.

 ചുറ്റും കാണാം സഹ്യൻ പോറ്റിയ 

മരതക ഭംഗികൾ പല മട്ടിൽ