ഓണപ്പാട്ട്

ഓണപ്പാട്ട്

ഓണം വന്നോണം വന്നോണം വന്നേ

ഓണത്തിനെന്തൊക്കെ വട്ടം വേണം

മുറ്റം മെഴുകിയൊരുക്കിടേണം

ചേലൊത്ത പൂക്കളം തീർത്തിടേണം

ആയത്തിലാടിക്കളിക്കുവാനായ്

ഊഞ്ഞാലു കെട്ടണം നാട്ടുമാവിൽ

നല്ലോണപ്പാട്ടുകൾ പാടിക്കൊണ്ട്

തുമ്പികളിക്കണം ഇമ്പമോടെ

പൂവാലിപ്പയ്യിനും ഓണമുണ്ണാൻ

പുല്ലുപറിക്കണം വല്ലമില്ലേ !

പട്ടുപാവാട ഞൊറിഞ്ഞുകുത്തി

മിന്നും കസവിൻ്റെ തൊങ്ങലാട്ടി

കുമ്മാട്ടിക്കൂത്തുകാർ എത്തുന്നേരം

എമ്മട്ടിൽ നില്ക്കണം തിട്ടമില്ല!

പൂവേ പൊലി പാടുവാനാളുണ്ടാമോ 

പൂവിളികൾ കേൾപ്പതു ദൂരെയാണോ?

ഓണത്തിനാരൊക്കെ എത്തിടുമേ

ആരോടു ചോദിക്കാൻ, ആർക്കറിയാം!