പൂർണ്ണവിരാമത്തിനൊരുങ്ങുമ്പോൾ

അവിരാമസങ്കടം തീർക്കുവാനാവാതെ

അലയുന്നു ജന്മങ്ങൾ മന്നിടത്തിൽ

സങ്കടം തോന്നുവാൻ കാരണമെന്തെന്ത്

സന്തതം നമ്മൾ തിരഞ്ഞു പോകെ

ജന്മം ലഭിക്കുവാൻ പാപസങ്കീർത്തനം

ജായാപതികൾ ജപിക്കയാലോ

പങ്കിട്ടെടുക്കുവാനാവാതെ ദാമ്പത്യം

പങ്കിലപ്പെട്ടെന്ന തോന്നലാമോ

ഇഷ്ടങ്ങളിഷ്ടങ്ങളോടിടഞ്ഞീടുമ്പോൾ

ശിഷ്ടമായൊന്നുമേ ദൃഷ്ടമല്ലേ

ഭ്രഷ്ടുകൽപ്പിച്ചുകൊണ്ടിഷ്ടരായ് നിന്നവർ

കഷ്ടം അകറ്റിയ കാരണമോ

പൂർണ്ണവിരാമത്തിനായിട്ടൊരുങ്ങുവാൻ

ഹേതുവായ് നിന്നതെന്തായിരിക്കാം

ജീവിതം വെല്ലുവിളിയെന്നതോർക്കാതെ

തൻകൊല ചെയ്യുന്നോർ ഭീരുവത്രേ

രാകിന ജീവിതം പൂർണ്ണസംതൃപ്തമായ്

ആർക്കും ലഭിക്കുകയില്ല നൂനം,

ജീവിതംകൊണ്ടുതിരുത്തണം

മാൽകൊണ്ട

കർമ്മങ്ങൾ നമ്മെയലട്ടിടാതെ

5.12.25