അനന്യമാം മലയാളം

അനന്യമാം മലയാളം

എത്ര ഭാഷകൾ വേറെ പഠിച്ചാലും

എത്ര ചേലിൽ ഭാഷിക്കുമെങ്കിലും

നിസ്തുലം മാതൃഭാഷയെന്നാളിലും

നിസ്ത്രപം മറുത്താരും പറഞ്ഞിടാ

അമ്മയെന്നു വിളിച്ചു കരഞ്ഞ നാൾ

നമ്മിൽ വന്നു നിറഞ്ഞ സാരസ്വതം

എന്നുമെന്നും നമുക്കു തുണയായി

വന്നുചേർന്നിടും നിർണ്ണയമോർക്കുക

കണ്ടു നാമേറെ ഭാഷകൾ വാക്കുകൾ

കണ്ടറിഞ്ഞതിൻ വൈഭവം വൈശിഷ്ട്യം

ഇണ്ടലില്ലാതതിൻ പൊരുൾ നാമെല്ലാം

ഇന്നു ലോകം സമസ്തമെന്നോതുന്നു

എത്ര നക്ഷത്രമുജ്ജ്വലം കാൺമു നാം

മിത്രനാ,നാമമെന്നുമനന്യമായ് 

നിൽപ്പു നമ്മൾക്കു ചാലകശക്തിയായ് 

നന്മാതൃഭാഷ മലയാളമെന്ന പോൽ