മഹിതഭാരതം

മഹിത ഭാരത ചരിതമോർക്കുക മറവിയിൽ പെട്ടു പോയിടാ 

പണ്ടു നമ്മൾ വിഘടിച്ചു പല പല തുണ്ടു ഭൂവിലൊതുങ്ങിയോർ 

പാരതന്ത്ര്യമിരന്നു വാങ്ങി പരദേശി വർത്തകരോടു നാം 

ഒടുവിൽ നമ്മൾ സ്വതന്ത്രരായ് വിലയേറെ നൽകി പകരമായ് 

പണ്ടു സോദരരായി നിന്നവരിന്നു വാങ്ങിയകന്നു പോയ് 

മാതൃരാജ്യം കാക്കുകെന്നത് നാമെടുത്ത പ്രതിജ്ഞയാം 

കൂരിരുട്ടിൽ നുഴഞ്ഞുകയറി മായ്ച്ച കുങ്കുമ മുദ്രയെ 

മാനിയാമമല നാരിശക്തിയിൽ തീമഴ തീർത്തൊടുക്കി നാം 

ലോകമാകെയടക്കിവാഴണമെന്ന ചിന്തയിൽ മേവുവോർ 

യുദ്ധവെറിയിൽ വിശ്വമാകെ വിറച്ചു കാണാനുഴറുവോർ 

എന്തു വാങ്ങണമെവിടെനിന്നെന്നറുതി തീർക്കുകയാണിദം 

അറിഞ്ഞു നമ്മൾ വണികബുദ്ധിയ്ക്കടി പണിയുകയില്ലിനി