ശയ്യകൾ

 

  രാത്രിശയ്യകൾ രാഗാർദ്രമാക്കുന്ന

  മോഹവിഭ്രമ സംത്രാസ മണ്ഡപം

  മാദകസ്വപ്നമാകന്ദത്തോപ്പതിൽ

  പൂക്കൾ വാരി,യെറിഞ്ഞ തല്പസ്ഥലം

  പ്രണയരാഗങ്ങൾ പൂത്താലമേന്തിടും

  രതിമദന മനോജ്ഞമാം വേദിക

  മദഭരമൃദുതാളവിഡംബനം 

  ചടുല വേഗനം രാസ വിശ്ലേഷണം

  ചണ്ഡവാതപ്രവേഗം ശമിക്കുമ്പോൾ

  നഷ്ടവീര്യരായ് സംപതിക്കുന്നിടം

  ഇഷ്ടജീവിതം നഷ്ടമായ് വന്നപ്പോൾ

  ക്ലിഷ്ടജീവിതം തൻ നിഴൽരൂപമായ്

  എത്തിടുന്നതീ ജീവിതാന്ത്യത്തിലെ

  നിത്യശയ്യയിൽ നിദ്രയും കൈവിട്ട്

  എത്രയുണ്ടിനി നേരം ഉറങ്ങുവാൻ

  ഹൃൽശയ്യ നീർക്ക ഐഹികനിദ്രയ്ക്ക്