ജാലവിദ്യ

നിനപ്പതൊന്നു നാം ഭവിപ്പതോ വേറെ

ജനിച്ച നാൾ മുതൽ മരിക്കുവോളവും

കൊതിച്ചതേറെ നാം വിധിച്ചതോ,തുച്ഛം

പൊതിഞ്ഞമോഹങ്ങൾ പൊലിഞ്ഞേപോകുന്നു

എനിക്കു നീയുണ്ട് കരുത്തിനെന്നു ഞാൻ

നിനച്ചു പോയതും വിരുദ്ധമായ് വന്നു

കരുത്തുകാട്ടുവാൻ കരുതിയെത്തുമ്പോൾ

അഹിതമായതു ഭവിച്ചു കണ്ടിടാം

ഒരിക്കലുന്നത പ്രതാപവാന്മാരായി

കഴിഞ്ഞ വർത്തകർ , പ്രഭുക്കൾ നാടിനെയടക്കിവാണവർ

ചരിത്രത്തിന്മീതേ ചിറകുയർത്തി നിന്നഴൽ കൊടുങ്കാറ്റു വിതച്ച ശക്തികൾ

നിയതി തൻ ചക്രമുരുളുമ്പോൾ നിലം പരിശായ് തീർന്നതും അറിഞ്ഞിടുന്നു നാം

ജഗന്നിയന്താവിൻ ആദ്യശ്യമാം കരം

ഒരുക്കുന്ന ജാലപ്രയോഗമാണെല്ലാം